O conselleiro de Sanidade,
Jesús Vázquez Almuiña, asinou esta mañá os convenios de colaboración entre o
Servizo Galego de Saúde e sete asociacións por un importe de 272.606 euros.
Estas axudas están destinadas ao desenvolvemento dos programas de atención
sanitaria e xurídico social á poboación con trastornos adictivos por parte de
entidades sen ánimo de lucro da nosa Comunidade Autónoma.
As entidades coas que se asinan os convenios son
ALIAD-ULTREIA (Lugo), Antonio Noche (A Coruña), ATOX (Ourense), Érguete (Vigo),
Renacer (Ribeira), Rexurdir Provincial (Pontevedra), e Vieiro (Carballo).
O programa de atención xurídico social está
dirixido á atención integral das persoas con trastornos adictivos e problemática
legal engadida, prestando axuda técnica a xuíces e fiscais sobre a realidade
social e persoal así como ao persoal asistencial e ás familias. Durante 2018,
estes convenios permitiron a realización de 4.125 intervencións cos
usuarios.
Coa Fundación Érguete-Integración asinouse un
convenio específico para o desenvolvemento do programa Itínere de seguimento e
atención ás persoas en tratamento tras unha pena privativa de liberdade. O
Sergas destina un total de 94.684 euros a este programa. Itínere desenvolve
actividades formativas e de orientación para a incorporación social e laboral
das persoas privadas de liberdade ou en proceso de excarcelación. O pasado ano
2018, este programa beneficiou a un total de 449 usuarios e permitiu a
realización de 30 actividades.
Estes convenios asinados hoxe,
compleméntanse cos autorizados en marzo polo Consello da Xunta con diferentes
asociacións sen ánimo de lucro, para o desenvolvemento de programas de
asistencia a pacientes con trastornos adictivos, por un importe de 4.330.652
euros.
Ningún comentario:
Publicar un comentario