MAÑAN REUNION DO CONSELLO PARROQUIAL DE BERDILLO

Arranca a segunda rolda dos Consellos Parroquiais

 As primeiras xuntanzas celebraranse esta semana en Berdillo e Sísamo

O proceso de participación veciñal impulsado polo Concello de Carballo sigue avanzando. Os 17 consellos parroquiais que botaron a andar a primeiros de ano afrontan xa a segunda quenda de reunións, que se repartirá entre este mes e o de setembro, principalmente, para non interferir nas vacacións de verán. Deste xeito, a segunda rolda de xuntanzas arranca esta mesma semana.

Para mañá mércores, ás 20.30 horas, están convocados no centro social os veciños e veciñas de Berdillo, que xa celebraron unha xuntanza previa para revisar as peticións e propostas do primeiro consello e preparar o encontro desta semana cos representantes dos distintos grupos que integran a corporación municipal. O xoves á mesma hora celebrarase consello parroquial en Sísamo, e xa a semana que vén reuniranse os de Oza (martes 13), Goiáns (mércores 14) e Rus (xoves 15).

Dende a posta en marcha deste mecanismo de participación veciñal nas 17 parroquias vense incrementando a presenza e o interese veciñal, e xa son máis de 300 as persoas que están a participar activamente da vida municipal de Carballo. Os consellos parroquiais son entes vivos e abertos permanentemente á participación tanto de entidades coma de cidadás e cidadáns a título individual.

As persoas interesadas teñen á súa disposición o número de teléfono 981 704 700 e o enderezo electrónico  consellosparroquiaiscarballo@gmail.com.

FUENTE: Concello de carballo

Vieiro acude a reunión co Conselleiro con entidades de Asistencia Adictiva

SANTIAGO, O conselleiro de Sanidade, Jesús Vázquez Almuiña, presidiu hoxe a xuntanza anual coas entidades sen ánimo de lucro que asinan convenios coa Xunta para o desenvolvemento de programas de atención á saúde mental e trastornos aditivos, aos que a Administración destina este ano 6,2 millóns de euros. Por parte de Vieiro acudiu o Director Xosé María Arán Rodríguez.

Entre eles está o convenio asinado coa Asociación Andaina ProSaúde Mental, que ten por obxecto poñer en marcha, por primeira vez, un Programa de intervención no domicilio no ámbito rural nas comarcas de Ordes e Ulla-Sar. Esta iniciativa incluirá o diagnóstico e a atención individualizada por un equipo multidisciplinar e por un profesional de atención sociosanitaria que atenderá ao paciente no seu fogar. Traballarase, así mesmo, na súa integración na comunidade a través da información sobre recursos comunitarios, administrativos e socioeconómicos.

Neste eido, o modelo de atención á saúde mental de Galicia prioriza a atención na comunidade e a integración social do enfermo e leva a cabo programas de achegamento á poboación xeral e en especial de non discriminación deste colectivo.

Ademais do acordo con Andaina asináronse convenios coa Asociación Galega para a Asistencia e Investigación dos Trastornos da Personalidade, a Asociación Itínera de Voluntarios en Saúde Mental, a Federación de Alcohólicos Rehabilitados de Galicia (Farga), a Federación de Asociacións de Familiares e Persoas con Enfermidade Mental de Galicia (Feafes Galicia) e a Asociación de Pais de Nenos con Problemas Psicosociais (Aspaneps). En total, no eido da saúde mental, destínanse 328.149 euros aos proxectos desenvolvidos por estas entidades, dos que se benefician arredor de 4.640 persoas. Neles inclúense iniciativas dirixidas á inclusión de pacientes con trastornos mentais severos, á formación dos profesionais e á abordaxe integral e precoz da enfermidade mental, entre outras.

Trastornos aditivos
No eido dos trastornos aditivos, o Sergas dedica 5.500.144 euros a convenios de colaboración con nove asociacións. Neste marco, renováronse os acordos coa Asociación Cidadá de Loita Contra a Droga (Alborada), a Asociación Cidadá de Loita Contra a Droga da Coruña (Aclad), a Asociación Ferrolá de Drogodependencias (Asfedro) e a Asociación Cruz Vermella de Lugo para o desenvolvemento de programas de atención a persoas con trastornos aditivos relacionados con dependencias non alcohólicas.

Pola súa banda, coa Fundación Monte do Gozo conveniouse a realización dun programa de tratamento e rehabilitación, en réxime de comunidade terapéutica, da dependencia alcohólica; e do programa terapéutico-educativo Proxecto Home de atención e rehabilitación de drogodependencias en Galicia. Ademais, para a atención ambulatoria ás dependencias relacionadas co alcohol, tabaco, xogo e outras adiccións sen sustancia asináronse acordos coa Asociación de Exalcohólicos Luis Miguel Morás da Coruña, a Asociación As Burgas de Ourense, a Asociación de Exalcohólicos de Ferrolterra e a Asociación Viguesa de Alcoholoxía (Asvidal).

O pasado ano 12.000 pacientes recibiron atención nos dispositivos conveniados para a atención sanitaria ao uso de sustancias ilegais. A rede de asistencia aos trastornos aditivos complétase cos recursos hospitalarios de desintoxicación, as unidades de alcoholismo dependentes dos servizos de Psiquiatría e as 13 unidades asistenciais de drogodependencias dependentes dos concellos e financiados, a través doutro convenio complementario coa Fegamp, por un valor de preto de catro millóns de euros.

Incorporación social e colectivos con necesidades específicas
No que atinxe aos programas de incorporación social e atención xurídico social, a Consellería de Sanidade renovou a súa colaboración coa Asociación Vieiro, a Asociación ATOX, a Asociación ALIAD, a Asociación Antonio Noche, con Rexurdir Provincial, coa Fundación Érguete Integración e a Asociación Renacer. O seu obxectivo é desenvolver programas para prestar unha atención integral ás persoas con trastornos aditivos e problemática social engadida prestando axuda técnica a xuíces e fiscais sobre a realidade social, persoal e familiar.

Neste eido, ao que se dedican 356.638 euros e do que se benefician unhas 1.100 persoas, rubricouse tamén un convenio específico coa Fundación Érguete Integración para o desenvolvemento do programa Itínere de seguimento e atención ás persoas con tratamento tras unha pena privativa de liberdade. O seu ámbito territorial esténdese ás institucións penitenciarias da Lama, Pereiro de Aguiar e Teixeiro, e os centros de inserción social Carmen Avendaño en Vigo e na Coruña.

Por último, asináronse convenios coa Federación Galega de Asociacións de Familiares de Alzheimer (FAGAL), e Federación de Autismo de Galicia e a Federación Galega de Enfermidades Raras e Crónicas (FEGEREC) que teñen arredor de 2.340 beneficiarios e un orzamento total de 100.812 euros. A través deles búscase mellorar a calidade de vida das persoas afectadas e os seus coidadores e a atención prestada aos trastornos do desenvolvemento e a atención psicoxeriátrica.

Eroski promoverá no noroeste peninsular a conserva galega

                                            Directivos de Vegalsa Eroski e da industria conserveira reuníronse onte en Vigo.


redacción. vigo economia@atlantico.net


 A compañía galega de distribución alimentaria Vegalsa Eroski puxo onte en marcha unha campaña de "Aposta polas conservas galegas" para poñer en valor os produtos do sector conserveiro nas insignias da súa rede comercial Eroski, Híper Eroski, Autoservizos Familia, Eroski City e Cash Récord que estará activa desde este mes de abril ata setembro no noroeste peninsular.
 Este acto enmárcase dentro da "Aposta polos Provedores Galegos" que levará a cabo ao longo do ano nos establecementos Vegalsa Eroski.

 O acto de presentación desenvolveuse cunha primeira visita ás instalacións de Anfaco para continuar coa presentación oficial da campaña no Eroski Center de García Barbón de Vigo. Concluíu cun showcooking que se realizou con algúns dos produtos da campaña da man de Anfaco co chef vigués Gershon Igrexas.

 No caso das conservas, estas son unha das categorías máis representativas para Vegalsa Eroski no que a compras a provedores locais de alimentación respecta, situándose nos 15,5 millóns de euros.
 Vegalsa-Eroski impulsa o sector agroalimentario local, destacando a colaboración necesaria entre fabricantes e distribución para satisfacer as necesidades dun cliente que cada vez máis valora os produtos da súa contorna e en particular en Galicia, onde o produto galego é sinónimo de calidade e saúde.

 Ao acto de presentación da campaña asistiron o concelleiro da área de Emprego do Concello de Vigo, Santos Héctor e o secretario xeral de Anfaco, Juan Vieites.

 Tamén participaron directivos e representantes dalgúns dos principais provedores do sector conserveiro como Fernando Calvo, director da área Industrial de Grupo Calvo; Luís Ríos, conselleiro de Grupo Calvo; Iván Alonso, director xeral de Conservas Palacio de Oriente; Lupe Murillo, directora xeral de Pescamar; Rosa Neto, directora xeral de Friscos, Antonio Vázquez, director comercial de Friscos, Ramón Quintáns, director comercial de Pescamar; Antonio Torres, director xeral de Conservas Orbe, e Ignacio Grandjean, director comercial de Conservas Varcarcel.

Atlántico Diario

Grupo Calvo lidera a transformación do sector conserveiro

Calvo desenvolve o proxecto Smart Tuna Factory polo que trasladará o concepto da Fábrica do Futuro 4.0 á súa planta de Carballo (Galicia) para gañar en eficiencia.

A planta de Calvo en Carballo (Galicia). 

A Industria 4.0 está chegando, pouco a pouco, a todas as compañías españolas para cambiar os seus modelos de negocio tal e como se concibían fai anos. A innovación converteuse nunha das ferramentas fundamentais para as empresas á hora de gañar competitividad. Neste contexto, o Grupo Calvo converteuse nun dos mellores exemplos de como a transformación dixital vai chegar a todo tipo de negocios, ata aos máis tradicionais. 

Horas e horas dentro da fábrica separando as partes de cada peixe, cunha redecilla tapando a cabeza e o mesmo uniforme que cubría un delantal. Así era fai uns anos o traballo dentro dunha conserveira. Con todo, as esixencias de competir nun mercado cada vez máis grande e globalizado obrigaron ao Grupo Calvo a reinventarse e lanzar un plan estratéxico, Calvo Excellence System, que contempla un investimento de 25 millóns de euros en catro anos. O seu obxectivo é lograr uns procesos máis flexibles, eficientes e intelixentes. No marco desta estratexia, Calvo atópase inmerso nunha iniciativa conxunta con Anfaco-Copesca pola que desenvolverán actividades de I +D+ i. Este proxecto, o Smart Tuna Factory, quere poñer en marcha un sistema integral baseado nas novas tecnoloxías para poder crear o concepto de Fábrica do Futuro 4.0 na súa fábrica de Carballo (A Coruña).

En palabras de Enrique Mandado, director industrial do Grupo Calvo, "creemos que as novas demandas do mercado fan necesario avanzar no desenvolvemento das capacidades das plantas de produción. Hoxe, estas teñen que ter unha maior flexibilidad e capacidade de resposta ás demandas dos consumidores".

Automatización de procesos

O director industrial da compañía galega explica a el Economista que este proxecto consiste na automatización total dos procesos, a robotización de determinadas operacións ou o control en tempo real das máquinas para ter a capacidade para corrixir calquera desviación. Neste sentido, Mandado explica que "o orzamento destinarase principalmente o rediseño da planta, á compra de maquinaria para automatizar os procesos, o rediseño das instalacións industriais dentro da planta e á formación continua dos nosos colaboradores". De feito, desde a firma galega fan especial fincapé na importancia que teñen os seus traballadores en todo o proceso de dixitalización. 

O plan aínda se atopa en fases iniciais. O pasado ano, os directivos de Calvo dedicáronse a establecer os obxectivos técnicos do proceso de transformación dixital, incluíndo o deseño de novos equipos e o rediseño da planta. Ao longo deste ano, está previsto que se constrúan devanditos equipos e instálense na planta. En 2018, arrincará a instalación de embalaxe do produto e un ano despois farao a instalación completa. A última fase chegará en 2020 co arranque en serie de todo o proceso. Aínda que polo momento o proceso de transformación industrial de Calvo só se vai a implantar na planta bergantiñá de Carballo, o modelo de excelencia estase xa desenvolvendo na súa fábrica de Brasil "e previsiblemente farao noutras nun futuro próximo", explicou Mandado. "O noso plan industrial permitiranos utilizar mellor nosa capacidade produtiva mellorando a nosa eficiencia e incrementando nosa flexibilidad e capacidade de reacción o longo de todo o proceso de produción", concluíu o director industrial de Grupo Calvo.

Un plan de I+ D cun investimento de 25 millóns

Con máis de 70 décadas ás súas costas, o Grupo Calvo conseguiu reinventarse e apostar por dixitalizar o seu negocio. A través do Calvo Excellence System, a compañía galega dedicará todos os seus esforzos durante os próximos tres anos a transformar a súa xoia da coroa: a planta de Carballo (A Coruña). "O noso plan industrial permitiranos utilizar mellor nosa capacidade produtiva mellorando a nosa eficiencia e incrementando nosa flexibilidad e capacidade de reacción o longo de todo o proceso de produción", explica o conselleiro delegado do grupo, Mané Calvo.

El Economista

Nominados Carballés, Bergantiñán e Galego do ano 2016 polo Consello asesor, Agora tocalle propoñer ás entidades de Bergantiños

Nominados Carballés, Bergantiñán e Galego do ano 2016

Carballo, a 12 de Marzo de 2.016.

Estimado amigos/as:

Como ven sendo costume por estas datas, o “PADROADO FOGAR DE BERGANTIÑOS” convoca a elección dos galardóns de Carballés, Bergantiñán e Galego do ano 2016 a todas as entidades da Comarca de Bergantiños.

Reunido o “Consello Asesor”, realizouse a proposta da “relación preliminar de nominados”, que é a que se pode consultar na web www.padroado.com . Ésta pode ser ampliada polo voso colectivo en calquera das tres categorías. Se así o facedes, debedes remiti-lo listado de novos candidatos cos datos e méritos máis amplos que poidades antes do día 19 de MARZO á Rúa Portugal, nº 9 de Carballo (CP 15100) ou ben á dirección de correo electrónico “info@padroado.com”.

A relación dos novos nominados que haxa farásevos chegar oportunamente, e que sumada a esta que se envía agora, formará a lista definitiva de candidatos a “Carballés, Bergantiñán e Galego, Edición 2016”, da que sairán os galardoados.

Dándovo-las gracias por anticipado pola vosa colaboración imprescindible, e sen a que non sería posible a concesión destes galardóns, recibe un afectuoso saúdo.


Josefina Rey Baldomir

Presidenta




NOMINADOS A CARBALLES DO ANO 2016

Bergantiños, F.C. Sección Femenina 

Noventa e tres anos despois da fundación do clube, o Bergantiños xunto ás Escolas Luis Calvo Sanz despegan no mundo do fútbol feminino e con esta nova formación, demóstrase que o deporte feminino está en auxe. Desde a organización lanzan a seguinte mensaxe: «Tódalas mozas poden participar». A carballesa María Bardanca, cunha longa traxectoria no mundo do fútbol, vai ser unha das adestradoras do equipo.

Cantareiras de Berdillo 
Empezaron sendo nenas, e despois de 25 anos continúan disfrutando, recuperando e transmitindo a nosa música tradicional cantada, baixo o amparo da Asociación Cultural Arume. Eixo fundamental da música popular en Carballo e na Comarca de Bergantiños

Escola de Basket Xiria
O traballo coa canteira, continúa a ser a filosofía e esencia do clube de baloncesto carballés Escola Básket Xiria, desde os seus inicios hai 30 anos, como unha oferta deportiva máis da Asociación Deportiva Xiria. Ademais de incrementar o número de participantes, supón establecer colaboración con outras entidades de Bergantiños e A Coruña. Cabe subliñar desde hai uns anos a organización do Día do Pequebasket, que se celebra en Carballo o 17 de maio

Escolas de Fútbol Luis Calvo
As Escolas de Fútbol Luís Calvo nacen no ano 2001 co obxetivo de promover a práctica dol fútbol e o fútbol sala nas categorías prebenxamín, benxamín e alevín. A sua escola reúne cada ano a centos de chavales oredor de estes deportes. Dende o ano 2005 organizan o 'Torneo Internacional de Fútbol-7 Concello de Carballo', que xa ten reunido aos clubs de maior nivel galego, estatal e internacional, e goza de recoñecemento no ámbito estatal por ser un dos mellores torneos na súa modalidade.

Fernández Rial, Rosalía
Rosalía Fernández Rial (Carballo-Muxía, 1988) é licenciada en filoloxía pola USC, estudou acordeón, fai teatro afeccionado e, sobre todo, escribe. Como poeta, entre os seus libros destacan títulos como En clave de sol (2009), Átonos (2011), Vinte en escena (2012), Un mar de sensacións (2012), Ningún amante sabe conducir (2014) e Contracción(2016).
Na súa faceta de narradora, Rosalía participou no volume colectivo Follas de Carballo (2011), en revistas (como a das Festas do San Xoán ou da Romaría da Barca) e no xornal Infoxove.

FIOT (Festival Internacional de Outono de Teatro)
Un dos festivais teatrais españois con máis tradición e renome que se celebra desde hai 25 anos en Carballo. O FIOT, cualificado polo seu director, Alberto Sueiro, como “un continente de actividades relacionadas coa escena”, inclúe actividades para nenos, funcións de teatro contemporáneo e alternativo, monólogos, cabaré, maxia, clowns, … ademais de iniciativas para poñer en contacto a pofesionais e público

Marcos Rodríguez (Fotógrafo)
Este carballés afincado en Cee iniciouse na fotografía xa desde neno e, co tempo, a afección converteuse en paixón. Así, despois de estudar Produción e Linguaxe Audiovisual entre 1990 y 1994, y empezar facendo reportaxes de comunións, vodas e bautizos cunha cámara de vídeo, dedicouse por completo ás imaxes estáticas recibindo numerosos premios a nivel nacional e internacional. En 2017 será representante del equipo español na categoría de ""Reportaxe Gráfica" na World Photographic Cup (WPC) Copa do Mundo de Fotografía.

Milagros Cotelo
Unha das pintoras máis queridas de Carballo que empezou a interesarse pola arte desde moza. Hai uns vinte anos, cando decidiu empezar a dar clases de pintura na Casa da Xuventude, chegoulle a primeira oportunidade de expoñer en público as súas creacións. Desde hai pouco, preside o colectivo carballés de artistas Crea Formas, que axudou a fundar en 2008.

Pose Blanco, José Luis
Probablemente o mellor futbolista carballés de todos os tempos.
Jugó en Primera y en Segunda. También fue profesor de gimnasia, empresario de hostelería y edil, pero solo seis meses.

Proxecto Derrubando muros con pintura
Proxecto que converteu a Carballo nestes ultimos anos nun “museo” de arte urbana contribuíndo ademáis a erradicar o feísmo constructivo da vila no que artistas locais e internacionais participaron impulsados pola Concellería de Promoción Económica do Concello e que conta xa con 20 obras que se irán ampliando nos próximos meses con novos murais.




NOMINADOS A BERGANTIÑAS DO ANO 2016

Aloumiños
Asociación de persoas con necesidades específicas da Costa da Morte.
Pola labor denserolado ao longo destes anos na integración de nenos con necesidades especiais, e na formación de pais así como a participación na organización de actividades como o "Camiño dos faros inclusivo"

Camiño dos Faros
Polo seu proxecto de divulgación, coñecemento e deportivo en torno a roteiros polos faros da Comarca, e en particular polo proxecto Camiño dos Faros Inclusivo, promovendo a participación de persoas con discapacidade.

Federacion de ANPAS da Costa da Morte
O 2016 foi un intenso curso académico nos colexios da Costa da Morte. A loita polas xornadas únicas en varios centros educativos da bisbarra, a reivindicación da educación hospitalaria e domiciliaria para o alumnado con enfermidades de longa duración e o novo sistema das Reválidas centraron a preocupación dos pais e nais de Bergantiños.

INTEGRO
Pola súa labor de integración en prol das persoas con movilidade reducida da Comarca no mundo laboral.

Jesús Figueroa Ourens e José Angel Suárez Garrido (Candidatura Conxunta)
Polo seu traballo coa xuventude, na formación deportiva e humana, educación do tempo libre, e o fomento de valores coma a amizade, o respecto e a solidariedade, así como o impagable traballo de cohesión social ao longo de moitos anos coas categorías de fútbol de base.

Mercedes Queixas Zas
Mercedes Queixas Zas (A Coruña, 1968) é licenciada en Filoloxía galega pola Universidade da Coruña e exerce como docente de Lingua galega e literatura no CPI Alcalde Xosé Pichel de Coristanco. É autora de ensaios de carácter divulgativo como Os trobadores do Reino de Galiza (1997) ou Breve historia da literatura galega (1999), ademais doutros estudos: Frei Martín Sarmiento. O inicio da recuperación da conciencia galega (2002), Ramón Piñeiro. A expresión cultural dunha estratexia política (2009), Vivir, unha aventura irrepetíbel. Biografía de Mª do Carme Kruckenberg (2011) e Lois Pereiro. A urxencia poética dun futuro alleo (2011). Ademais, é coautora da Historia xeral da literatura galega (2001). Ten participado como relatora en diferentes foros de formación do profesorado, análise literaria e planificación lingüística aplicada ao ámbito educativo.
A súa última achega bibliográfica en 2013 foi a coordinación do monográfico para a Revista Galega de Educación dedicado a Rosalía de Castro e que leva por título «Aprendemos con Rosalía».
Entre marzo de 2007 e agosto de 2010 exerceu como coordinadora territorial dos Equipos de Normalización e Dinamización Lingüística da provincia da Coruña. Actualmente é secretaria xeral da Asociación de Escritoras e Escritores en Lingua Galega.


GALEGO DO ANO 2016

Boquete Giadáns, Verónica
Verónica Boquete Giadáns naceu en Santiago de Compostela. Estrela do fútbol feminino, tras xogar en diversos equipos punteiros de Europa e América, actualmente milita no Bayern de Munich en Alemaña, e é a capitana da selección española de fútbol feminina. Desde febreiro de 2015 é embaixadora da UEFA para o desenvolvemento do fútbol feminino. Tamén nese ano, recibiu a Medalla Castelao e a Medalla de bronce da Real Orden do Mérito Deportivo.

EQUIPOS DE RESCATE AÉREO DE GALICIA DE SALVAMENTO MARÍTIMO
Dedicados a rescatar do mar aos navegantes en perigo, incluso poñendo en risco moitas veces a súa propia vida -dadas as condicións climatolóxicas nas que acostuman a traballar- fan destes funcionarios públicos un heroes na súa labor de busca e salvamento marítimo. Actualmente Galicia conta con dous helicópteros Helimer 201 e 411 con base na Coruña, e un avión Sasemar 102 con base en Santiago

Luar na Lubre
E unha das formacións musicais mais importantes do folk galego actual. No ano 2016 celebraron o 30 aniversario.
Trátase dunha das bandas máis representativas do panorama folk galego. Obtiveron distintos premios, boas críticas, actuacións nos mellores escenarios e dous discos de ouro.

Raña, Ivan
Pola súa traxectoria deportiva no triatlón. Culminada no 2002 co campionato do mundo e no 2003 co subcampionato do mundo e o campionato de Europa.

Vilar Díaz,Xosé Ignacio
Ós dezaoito anos trasládase a Barcelona, onde estuda cine, montaxe, dirección de actores, rodaxe de documentais e curtas. Alí comeza un proxecto de difusión de cinema polos barrios de Barcelona, e tamén polas vilas de Cataluña. En 1989 gaña o Carlos Velo polo guión "Ollo Birollo", volve a Galicia e monta a produtora Via Láctea Filmes, coa que dirixe curtas en 35mm, documentais e series documentais para televisión.No ano 2016 estrea Pola estrea da película «Sicixia» que encumbra a Costa da Morte

+ INFO: http://www.padroado.com/web/nominados.php?ide=60


.-------

Calvo se pasa a la marca blanca para abastecer a DIA

La firma de conservas lleva tres meses fabricando para la marca de distribución de Dia

                                                          A Coruña, 09 de marzo de 2017 
                                              
Se resistía, pero al final la conservera Calvo, con sede en Carballo, ha decidido dar el paso y empezar a producir productos de marca blanca para la firma de distribución DIA. Fue el propio consejero delegado de la compañía, Mané Calvo, quien anunció esta nueva línea de negocio que, como reconoció, “mi padre y mi abuelo no lo habrían hecho, pero yo soy más pragmático”.

En este sentido, afirmó que el campo de actuación se les estaba quedando pequeño y que, dado el crecimiento que ha experimentado la marca blanca en los últimos años, han decidido entrar en este negocio, "aunque no era nuestra vocación", apunta.
El máximo responsable de la conservera gallega explicó también que de momento solo distribuirán en España. Como publica este jueves el diario Expansión, la firma para la que trabaja desde hace tres meses es DIA. Mané Calvo, por su parte, añadió que en un futuro el acuerdo se podría extender a Europa y América Latina, donde la firma de distribución tiene presencia en países como Portugal, Brasil o Argentina.

Fuente: ED Galicia

O Consello Parroquial de Berdillo elabora un detallado mapa de necesidades de todos os lugares da parroquia

Deporte, infraestruturas viarias e hidráulicas e seguridade viaria centran a maior parte das propostas, suxestións, reclamacións e preocupacións da veciñanza

Os veciños e veciñas que forman parte do amplo Consello Parroquial de Berdillo, que sigue medrando coa incorporación da comisión de festas, prepararon con todo detalle a primeira xuntanza cos representantes municipais. Tanto é así que lles entregaron un elaborado dosier que non só recolle un listado de propostas, suxestións, reclamacións e preocupacións da veciñanza, senón que o acompaña con fotografías e coa xeolocalización dos puntos concretos nos que se sitúa cada unha delas.

O Consello Parroquial de Berdillo ten o traballo dividido territorialmente, de xeito que todos os lugares da parroquia teñen voz neste órgano de comunicación directa co Concello de Carballo. O resultado dese contacto directo co territorio e da asemblea veciñal aberta que se celebrou con carácter previo á xuntanza deste venres é o detallado mapa de necesidades que presentaron, e no que figuran dende pequenas intervencións como a colocación dun espello ata cuestións que van máis alá da competencia municipal, como a mellora da rede de telefonía e Internet.  

As propostas agrúpanse en catro grandes áreas. A primeira da que se falou foi a deportiva, fundamentalmente para solicitar unha serie de melloras no campo de fútbol das Pedreiras e nas pistas situadas xunto ao centro social. O alcalde, Evencio Ferrero, comprometeuse a estudar as peticións concretas co concelleiro de Deporte para “ir buscando maneiras de atender estas necesidades”.  

Outra das grandes preocupacións veciñais é o estado da rede viaria, con respecto á cal o alcalde sinalou que este ano completarase a actuación integral en todas as pistas asfaltadas de todo o municipio, tanto no que se refire á limpeza de cunetas coma a conservación da calzada. No entanto, as deficiencias máis urxentes ás que aludiron os veciños e veciñas solucionaranse provisionalmente cun bacheo. Como nalgunhas outras parroquias, en Berdillo tamén se queixaron dos danos que causan os madeiristas nas vías, e pediron un maior control municipal.  

Máis seguridade viaria na DP-1904

Para a estrada provincial DP-1904 houbo un apartado concreto, sobre todo para solucionar os problemas de seguridade viaria. Ao tratarse dunha vía provincial, dende o Concello de Carballo formularanse as peticións correspondentes á Deputación da Coruña, se ben o alcalde insistiu nas reticencias do organismo provincial a acometer determinadas actuacións como a instalación de pasos de peóns elevados.

En materia de infraestruturas, o Consello Parroquial de Berdillo tamén presentou necesidades de abastecemento de auga e saneamento en puntos moi concretos, igual que de mellora do alumeado.

Nun último apartado incluíron outro tipo de propostas, como o acondicionamento do aparcadoiro do cemiterio municipal, o estudo do sentido da circulación rodada neste punto e no lugar do Añón, a mellora do pavimento que rodea o local social do Aseñado e do parque infantil ou o acondicionamento do local da chave e da antiga escola do Añón, por exemplo. O alcalde de Carballo asegurou que dende o Concello estudaranse todas as propostas e se intentará ir dándolles solución de forma progresiva.

Fuente: Concello de Carballo